Un ano máis dende LENA promovemos a participación de escolares de Lençois no Certame Intercentros do Concello de Narón.
Este Certame celébrase anualmente, e nel participan tódolos centros públicos do Concello de Narón, tendo como finalidade celebrar o Día das Letras Galegas, exaltar a nosa lingua, fomentar a súa normalización e amosar a nosa cultura e a nosa realidade.
Desde a pasada edición o certame abriu un novo apartado de participación co que se pretende mostrar outras realidades existentes en países menos desenvolvidos, conscientes da importancia do coñecemento doutras culturas, promovendo así un intercambio solidario entre escolares de Narón e doutros países.
Ata o día 19 de maio estarán expostos os traballos dos escolares no Centro Comercial Narón.
Ademais, haberá unha mostra de diversos artigos producidos nos obradoiros da “Cooperativa de xoves Graos de Luz e Griô” coa que colaboramos na cidade de Lençois (Bahia-Brasil).
 |
Entrega de premios
O día 16 de maio, no Auditorio Municipal, entregáronse os premios do Certame Intercentros do Concello de Narón.
Recibimos de mans do Alcalde un vale por valor de 600 €, premiando así a participación dos escolares de Lençois no certame.
 |