|
Como xa sabedes, a ONG LENA nace no ano 2006 como unha organización non gobernamental, sen ánimo de lucro e laica, que ten como obxectivo principal colaborar no proxecto educativo que a ONG Graos de Luz e Griô promove na cidade de Lençois-Bahía (Brasil). Este proxecto xurde despois dun encontro entre un grupo de persoas de Narón con educadores/as, nenos/as e adolescentes da ONG Graos de Luz e Griô. O noso fin prioritario é contribuír na educación destes nenos/as e adolescentes con necesidades severas, co fin de ofrecerlles una perspectiva de futuro, impulsando cambios importantes na erradicación da inxustiza e desigualdade. O “proxecto dos xoves cooperativistas” que financiamos, está coordinado pola asociación Graos de Luz e Griô. A súa finalidade é crear unha rede de economía solidaria, preservando o patrimonio histórico e cultural do municipio de Lençois e rexión. Son distintos obradoiros onde os xoves aprenden e producen diversos materias, basicamente culturais:
• Obradoiro de música e danza: Recuperación e aprendizaxe de cantos e danzas. No ano 2007 participaron en diversos festivais. • Obradoiro de retallos: Elaboran diferentes artigos con telas (bolsas, panos, marionetas, libros de historias...) con motivos relacionados coas tradicións locais, recibindo pedidos de empresas que traballan no sector turístico da rexión. • Obradoiro de papel reciclado: O sector turístico é tamén o seu maior cliente. Ademais participan en seminarios sobre cooperativismo para xoves doutras rexións, explicando a súa experiencia. • Obradoiro de barro e pedra. • Turismo de Base Comunitaria: Realizan rutas a pé polo parque natural da Chapada Diamantina, achegando aos visitantes ás súas tradicións. No mes de setembro realizaron un “camiñada” con voluntarios doutras ONGs chegados de diferentes partes do mundo. • Obradoiro de Artes Gráficas: Son os encargados de deseñar e producir a imaxe corporativa de Graos de Luz. • Departamento Financeiro: Ocúpase da xestión económica da cooperativa.
Son 25 xoves e 5 mestres, desenvolvendo habilidades artesanais e producindo bens e servicios culturais que dialogan coa tradición oral e a economía solidaria. A ONG LENA finánciase coas contribucións de socias e socios (na actualidade somos cen); as distintas actividades organizadas desde a asociación, algunhas delas xa consolidadas: festival solidario celebrado no Auditorio, a cena anual no CPI do Feal, a participación no Certame Intercentros, etc.; e con subvencións de institucións e organismos públicos e privados.
De seguido detallamos o balance económico do ano 2007.
BALANCE DE SITUACIÓN A 31-12-2007
PERDAS E GANANCIAS 2007
|